Heatwave in Gujarat: હીટવેવથી બચવા શું કરવું અને શું ના કરવું?

How to Beat Summer Heat: ઉનાળીની ઋતુમાં ભયંકર તડકાને કારણે લોકો અનેક બીમારીનો ભોગ બનતા હોય છે. જેમાં ખાસ કરીને ધોમધખતા તડકાને કારણે લૂ લાગી જતી હોય છે. આ લૂ થી બચવા માટે શું તકેદારી રાખવી તેના વિશે જાણો.

► આટલું કરો

• તરસ ના લાગી હોય તો પણ યોગ્ય માત્રામાં પાણી પીવું

• શરીરમાં પ્રવાહીની માત્રા ઓછી ના થાય તે માટે ORS દ્રાવણ અથવા છાશ, લસ્સી, લીંબુ પાણી, ભાતનું ઓસામણ અને નારિયેળ પાણીનો ઉપયોગ કરો

• ઘરની બહાર જતી વખતે માથાનો ભાગ કપડાં, છત્રી કે ટોપીથી ઢાંકી રાખો

• વજનમાં અને રંગમાં હળવા પ્રકારના સુતરાઉ વસ્ત્રો પહેરો

• આંખોના રક્ષણ માટે સનગ્લાસીસ અને ત્વચાના રક્ષણ માટે સનસ્ક્રીન લગાવો

• પ્રાથમિક સારવાર માટેની તાલીમ લો

• બાળકો, વૃદ્ધો, બીમાર વ્યક્તિ કે વધુ વજન ધરાવતા વ્યક્તિ કે જે "લૂ"ના ભોગ બનવાની સંભાવના વધુ ધરાવે છે તેમની વિશેષ કાળજી રાખો

► આટલું ના કરો

• શક્ય હોય ત્યાં સુધી બપોરના 12 વાગ્યાથી 4 વાગ્યા સુધી તડકામાં બહાર ન નીકળવું

• શરીરમાંથી પાણીનું પ્રમાણ ઘટાડે તેવા પીણા જેવા કે ચા, કોફી, સોફ્ટ ડ્રિંક્સ ના લેવા

• મસાલેદાર, તળેલા, વધુ પડતા મીઠાવાળા આહારનો ઉપયોગ ટાળવો

► લૂ લાગેલા વ્યક્તિની પ્રાથમિક સારવાર

• જો કોઇ વ્યક્તિને લૂ લાગી હોય તો પ્રાથમિક સારવાર માટે ભીના કપડાનો ઉપયોગ કરો અથવા તેના માથા પર પાણી રેડો

• શરીરમાં પાણીનું પ્રમાણ જળવાઈ રહે તે માટે ORS દ્રાવણ અથવા લીંબુ પાણી આપો

• લૂ લાગેલ વ્યક્તિને તાત્કાલિક નજીકના આરોગ્ય કેન્દ્ર પર લઇ જવા

• જો શરીરનું તાપમાન સતત વધતું હોય, માથાનો અસહ્ય દુખાવો હોય, નબળાઈ હોય, ઉલટી થતી હોય કે બેભાન થઇ જાય તો તાત્કાલિક એમ્બ્યુલન્સ બોલાવી